Hla thu
A lothang Chhandamtu pian thu,
Bethlehem dai bawng. in tlawmah;
Keini sual bawiha tang hnute,
Min chhan chhuak turin a lo piang.
Aw tunah hian lo thang leh sa,
Kan aw neih chhun zawngin;
Kan tana nausen tlawm tak a lo piang,
A nu kiang ngeia dingin,
"Chungnung berah ropui rawh se,"
Tiin kan zaipui ang,
Kan tana nausen duhawm lo piang chu,
A hmingthan lozual rawh se.
Amah fakin van mi thianghlim,
A pian thu hrilin an lozai;
A hming faka lozaipui tur,
Kan mihring zingah an awm lo.
Keini mihring sual fa mah hian,
Kan pian niin lawmtu kan nei;
Chhandamtu pian ni lawm turin,
Aw, tunah i kal thuai ang u.
A lo pianna bawng in tlawm chhung,
A thihna thing anchhedawng chung;
A tan nun nawm ni awm lovin,
Kalvari tlangah an tuar tir.
Hmanah leiah lo tlawm mahse,
Tunah van chung sang zawkah khian;
Alai thu leh a hmangaih thu,
van mi chhiar Senlohin an puang.