Kan zin kawngah

Kan zinkawngah hian Lalpa min hruai la, Tuifawn ten min chim, kan pil thuai dawn e; I lam kan lo hawi khua kan tlai hma hian, Lo hnai rawh, aw chhandamtu. Chhandamtu min hruai rawh kan zinkawngah hian, Thli leh ruah, tuifawn ten min chim reng e; Kan dinna lungpui nghing ve ngai lo chuan, Van thlen thlengin min kai ang che. Khawvelin min au ding leh vei lamah, Hmuhsitna au thawmten min rawn thawng a; Harsatna kara kan mittui far hi, Lawmna hla an chang ngei ang. Damchhung ni chhiar dan min zirtir ang che, I van chanchin khi min hrilh rawn fo la; Zinkawng thui tak hi nang tel lo chuanin, Kan zuam lo, min hruai ang che.