Rinna chu a tawk e

Kan van in pana kan khual zinna kawngah hian, Thlipui leh ruahpuite'n min nuai changa awm thin; Sual doral lian kan velah lo hrangin, Thlemna karah kan zin kawng kan zawh thin; Tuifawn karah lawngleng i pil dawnin, Lawng hruaitu Isua'n A hruai ang che. Aw rinna,chu mai chu a tawk e, Chhandamtu ramtiam i thlen theih nan; Hling leh kham karah i zin kawng zawh mah la, A kut chakin A hruai ang che; Beidawngin chawl mai lo la, Amahah chuan innghat la; Ring mai la,A thiltihtheihna chu, Aman engkim a hria e! Zan thim a zualin, chung siar a fiah zual thin, I vela khuhtu che thim chu a chhah zualin; Chhandamtu hmel eng i hmu fiah zual ang, Chuvangin, harsat, buai, mangannate; A hmel eng chu i hmuh fiah zual theih nan, Rahbi thenkhat mai chauh an ni e. A thiltih theihna chuan tawp chin lem a neilo, He kan rinna zawk hian a ni tawp chin nei thin; I kawngte chu thimin a khuh vela, Kawng a tawp mai ni a i ngaih hunah; Ani chuan i hmuh phak piah lamah pawh, Kawng ropui tak mai A lo sial thin.